A LÍNGUA PORTUGUESA DESCENDE DO GALEGO MEDIEVAL, NOM DO GALEGO-PORTUGUÊS
Para: Lusófonos e galegos
O galego, hoje tristemente deturpado polo castelám (tamém chamado espanhol), originou no noroeste da península Ibérica há mais de 1000 anos. Daquela nom existia ainda Portugal, enquanto o Reino da Galiza sim existia já desde meados do primeiro milénio. Portugal viria a xurdir e a cindir-se da parte meridional deste reino galego, e quando tal aconteceu a língua que se falava no Condado Portucalense era o mesmo galego que se falava a norte dele.
Este galego medieval é anterior ao aparecimento do condado e despois reino de Portugal, de modo que nom fai sentido chamá-lo de galego-português, como tampouco fai sentido chamar o inglês de Shakespeare “inglês-americano”, ou o português de Portugal “português-brasileiro”. Mesmo que o Brasil ou os Estados Unidos da América sejam os representantes nacionais mais poderosos das suas respeitivas línguas, isso nom os permite a re-batizar o nome da sua língua, que já tinha um nome (o “português” e mai-lo “inglês”).
Aliás, se o idioma do grande literato inglês Chaucer (século XIV) era muito mais distante do inglês contemporâneo do que o galego medieval o era a respeito do galego contemporâneo (quer na sua variante galego-portuguesa contemporânea, quer na deturpada castelanizante oficiosa) ou do português de hoje, nom por isso o idioma de Chaucer deixa de ser chamado inglês (com efeito é chamado de “Middle English”) pra ser chamado “English-American”. Pola mesma, o galego medieval nom precisa de epíteto suplementar outro ca o de “medieval”, ou se calhar “antigo”.
Já que logo, pedimos pra repudiar esse mal-nome dado (por Carolina Michaelis de Vasconcelos, nada em 1851) ao galego dos nossos devanceiros, e de que o português contemporâneo descende, pra deixá-lo co único nome que merece: “galego medieval” ou “antigo”.
Sintetizando:
1) Nem o galego nem o português podem descender de si próprios. Dizer que o galego descende do galego-português é tam contraditório como dizer que o português descende do português-brasileiro, ou como manter que o inglês descende do inglês-americano.
2) O galego antigo ou medieval nom pode ser chamado de galego-“português”, quando Portugal ainda nom existia, nem se sabia que viria a existir.
3) O português descende do galego (medieval), enquanto o galego evoluiu do latim. Outramente, podemos considerar que tanto galego como português som ainda a mesma língua (duas variedades, ou mais, dela), c'umha fase originária galega anterior ao aparecimento de Portugal.
3) Embora o galego original contemporâneo — em contraposiçom ao artificioso dialeto galego-espanhol criado e favorecido polas instituições espanholas — reconheça a sua dívida e os seus vencelhos co português contemporâneo, pedimos pra que o português reconheça a sua dívida e vencelhos co galego medieval ou antigo, donde descende, e assi ajude a vigorizar a unidade e identidade galego-portuguesas de hoje.
